真久无陪你行行 - 李兆麟

真久无陪你行行 LRC歌词

作词 : 李兆麟 作曲 : 李兆麟 昨暝的月娘 当圆 Tsa-mî ê ge̍h-niû tng înn 想无 天星 是走去佗位 Siūnn bô thinn-tshinn sī tsáu khì tó-uī 昨暝阮困得 真甜 Tsa-mî gún khùn tik tsin tinn 哪会 枕头 有目屎几滴 Ná ē tsím-thâu ū ba̍k-sái kuí tih 又是凉凉的秋天 Iū sī liâng liâng ê tshiu-thinn 树叶 缀秋风渐渐飘离 Tshiū-hio̍h tuè tshiu-hong tsiām-tsiām phiau-lî 心内阁再 思念恁 Sim-lāi koh-tsài su-liām lín 想着蹛伫 厝内的日子 Siūnn tio̍h tuà tī tshù-lāi ê li̍t-tsí 喔爸爸啊 Ooh pá-pah ah 毋甘放你寂寞孤单 M̄-kam pàng lí siok-bo̍k koo-tuann 喔妈妈啊 Ooh má-mah ah 真久没陪你行行 tsin kú bô puê lí kiânn kiânn 天星应该守护月娘啊！ Thinn tshinn ìng-kai siú-hōo ge̍h-niû ah! 我嘛应该伫恁 身边 陪伴 Guá mā ìng-kai tī lín sin-pinn puê-phuānn 树叶飘来飘去 无依倚 Tshiū-hio̍h, phiau lâi phiau khì bô i-uá 亲像孤身伫他乡 的我 Tshin-tshiūnn koo-sin tī thann-hiong ê guá 又是凉凉的秋天 Iū sī liâng liâng ê tshiu-thinn 树叶 缀秋风渐渐飘离 Tshiū-hio̍h tuè tshiu-hong tsiām-tsiām phiau-lî 心内阁再 思念恁 Sim-lāi koh-tsài su-liām lín 想着蹛伫 厝内的日子 Siūnn tio̍h tuà tī tshù-lāi ê li̍t-tsí 喔爸爸啊 Ooh pá-pah ah 毋甘放你寂寞孤单 M̄-kam pàng lí siok-bo̍k koo-tuann 喔妈妈啊 Ooh má-mah ah 真久没陪你行行 tsin kú bô puê lí kiânn kiânn 天星应该守护月娘啊！ Thinn tshinn ìng-kai siú-hōo ge̍h-niû ah! 我嘛应该伫恁 身边 陪伴 Guá mā ìng-kai tī lín sin-pinn puê-phuānn 树叶飘来飘去 无依倚 Tshiū-hio̍h, phiau lâi phiau khì bô i-uá 亲像孤身伫他乡 的我 Tshin-tshiūnn koo-sin tī thann-hiong ê guá 亲爱的爸爸 Tshin-ài ê pá-pah 亲爱的妈妈 Tshin-ài ê má-mah 我的心声 恁敢有听见啦？ Guá ê sim-siann lín kám ū thiann--kìnn lah? 回家.....