赖婚记·听娘命 - 胡敏华

赖婚记·听娘命 LRC歌词

作词 : 白浪 作曲 : 佚名 陈氏-胡敏华 阿囡，我闲话还未讲灵清 侬就啼啼哭哭吵勿停 我眼看侬到邬家去吃苦 怎样对得起侬老父亲 我为了侬格肉宝贝 托捺娘舅陈三灵 东打听啊呀西打听 打听得富豪人家有一份 就是浒山马家门 马家是一门三举人 长子名叫马童金 次子名叫马童银 三公子名叫马童斌 年方二九十八春 格与阿囡是同年同月同时辰 格生得来是雪白滚壮 肥肥胖胖顺顺敦敦圆圆稳稳 还是个新科格武举人 搭侬阿囡来配成婚 拎仔灯笼也无处寻 再说伊举人爬上交官运 状元还好升一升 侬状元夫人虽未定 举人奶奶是拿得稳 阿囡啊，侬到格种介个人家去做人 侬讲称心勿称心 我再嫁侬金朗兴来银兴， 我再嫁侬四十八面青铜镜。 江西碗盏茶盅碟， 铜器锡器说勿尽， 娘嫁侬三百田三百地 不怕旱荒是不怕氽。 牛犁耖耙都嫁齐， 蚕丝蒿茧十八领。 金银首饰样样有， 再嫁侬珍珠玛瑙两三升。 十里格红妆娘预备， 阿囡侬应该听娘命。